上星期學校舉行畢業禮，今年仲未關事嘅小小豬就當然可以多出一日假期，咁就緊係唔放過機會要去玩，我地就應邀嚟到 海洋公園 體驗全新嘅多媒體互動體驗館「探索號R」。
整個遊戲全程大約45分鐘，值得一讚係職員哥哥姐姐都好有心機同小朋友講解同陪玩，我係旁邊睇感覺就好似打機，當然….當中都會有啲利用科學思維探索大自然。
小朋友走入高科技「探索號R」互動體驗館之後，就好似進入左虛擬歷險世界️，邊學邊玩咁展開探索旅程。每位小朋友都會配備一個帶有感應器嘅手帶，先係「分身同步器」掃描自己個樣做一個分身角色，然後係「小紅熊研究台」拼砌出屬於自己嘅AI超級動物。唔係隨便砌，每一個步件都有唔同功能，因為唔同嘅身體部件都對AI超級動物係嚴峻自然環境中生存中有影響，對之後玩遊戲有好大幫助呀！
然後就到可以同埋自己嘅AI超級動物係「能力試練場」進行各種訓練，挑戰一系列任務，仲可以上埋二樓玩「競技障礙賽」，透過唔同情景遊戲等AI超級動物可以升級過關。
小小豬玩後感就話好好玩，佢隻AI超級動物仲好快咁就去到最高LEVEL，之後又繼續同改裝嚟提升技能，如果唔係因為夠鐘，我諗佢都應該有排整呀！
除左「探索號R」之外，園內都有五個戶外「探索站」、「自然生態徑」、「叢林大細界」……，等小朋友可以學習更多大自然嘅知識。不過因為我地今次去都未開始，咁就等下次入園先去試下玩啦！
最後想提提大家「探索號R」係需要另行收費(1大1小$120包遊戲手帶)及預約，想了解更多可以參閱官方網站 ~> https://bit.ly/3wr9VTm
Special Thanks
香港海洋公園 Ocean Park Hong Kong
#hkoceanpark #ExplorerR #探索號R
Search